ايلي مرعب – شارك الفنان اللبناني، بشير ساسين، متابعيه عبر مواقع التواصل الاجتماعي سبب غيابه لمدة ١٠ سنوات عن الوسط الفني، قائلًا :” بدكن خبركن 😉؟
لعيونكن…
بدي خبركن عن شبّ…
هالشبّ كان بِأوّل انطلاقتو الفنية وكان راسِمالا خريطة كلها أحلام ما الها حدود. عمل هالشبّ عقد مع شركة فنية(بدون ذكر اسماء لأنو مش حرزانة 😊) وكانت البنود احتكارية لاغانيه لمدة عشر سنين.
بلّشت المناكفة بين الطرفين ووصلت لحرب، ( حرب شخصية) أصَرّ هالشبّ يتكتم بإحترام عن الموضوع وبلا بلبلة ما إلها طعمة خصوصي بهالزمن الغريب العجيب!
كان نَفَس هالشب طويلللللللل🤣، حارب ولَو لوحدو.
ضلت حياتو طبيعية بس من دون اصدارات جديدة ولكن تحضيراتو ما وقفت لأنو الأحلام ما بتموت والنجاح منو حكر عا حدا😉 …
واضاف قائلًا ” : من فترة قصيرة خلص العقد يلّي صار حبر على ورق وبلا قيمة، وقرر الشب يغليه وما يشرَب ميتو😅 قرر يسقيه لإدارة الشركة…
وخلص الاحتكار ورجع لإصداراتو يلي رح تكون مش حرب، بالعكس معركة إرادة، حكّاما جمهور مذوق بيعرف معنى الفن الحقيقي! هالشبّ هو انا بشير ساسين!!
قريباً…..❤️”
طمِّن قلبي
من ناحية اخرى، نشر بشير عبر حساباته الرسمية على مواقع التواصل الاجتماعي، صورة جديدة، وصرَّح لموقع Btrending انه يستعد لطرح اكثر من اغنية باللهجة اللبنانية، كما واكد ان اغنية “طمن قلبي” سوف تبصر النور قريبًا جدًا، من كلمات احمد ماضي، الحان صلاح الكردي توزيع وتسجيل ناصر الاسعد.
يقول مطلع الاغنية
يلي سمّيتك حياتي
يا حياتي لا تعذبني
يلي سلّمتك أسراري
إنت بروحي شو بتعجبني
View this post on Instagram