ايلي مرعب -يحتفل اليوم لبنان والعالم بمناسبة عيد ميلاد السيدة فيروز الموافق في 21 نوفمبر، حيث توجه لها العديد من نجوم الفن بالمعايدات الجميلة والمفعمة بالحب.
نانسي عجرم: منها صدفة عيدك يرافق عيد لبنان
صدفة عيدك يرافق عيد لبنان. يا صوت بحجم وطن زغيّر ووسع الدني. كل سنة ولبنان وانتِ بألف بخير
وائل جسار: فيروز قيمة فنية لن تتكرر
فيروز قيمة فنية لن تتكرر، اسطورة من بلادي كل عام وانت بالف خير
نجوى كرم : عيدك بذكّرنا بـلبنان الحلو
عيدك بذكّرنا بـ لبنان الحلو ❤️
زين العمر : عيد الوطن عيدك
انا من بلد فيروز ، عيد الوطن عيدك
عامر زيان : اعظم من قدم الاغنية اللبنانية للعالم
فيروز أعظم من قدم الأغنية اللبنانية للعالم الله يطول بعمرك ونحتفل بالمية سنة
كارمن لبس: الله يعطيها الصحة وتبقى صورة لبنان يلي منحلم فيه
الله يعطيها الصحة وتبقى صورة لبنان يلي منحلم فيه❤، ويا ريت تشوف لبنان يلي ضلت تغنّيلو كل عمرها صار حقيقة مش بس كلام
شكران مرتجى : عيد ميلاد قيثارة السماء
عيد ميلاد قيثارة السماء فيروز كل عام وكل شي يتغير إلا أنتي السيارات مش عم تمشي البنزين غالي وسكروا القهوة اللي ع المفرق فتحوا أوتوستراد وقصوا جدايل يارا وشادي بعده ضايع وليالي الشمال حزينه ونحنا خايفين نقول اللي بقلبنا لأنه ماعادوا زارونا حتى بالسنه مره وعيوننا كل يوم ترحل لزهرة المدائن…وأحب أحب دمشق هوايا الأرق رغم كل مايعصف بنا ولبيروت من قلبي سلام لبيروت
زياد برجي : عقبال المية يا قمر الحلوين
عقبال المية يا قمر الحلوين، يا زهرة تشرين”.
باسم مغنية : فيروزتنا
صباح الخير فيروزتنا
وسام الامير : اسطورة حية
أسطورة حية، بلغت فيروز ستةوثمانين حولا، وما زالت أيقونة في عليائها وسفيرة لبنان والعرب إلى النجوم”.
وأضاف:”ستة وثمانون عاما مرّت على ولادة فيروز رمز الأغنية العربية الشامخة وملهمة كل الأجيال وصوت كل الصباحات وبلسم كل الجراح. فيروز…كل عام وأنت فيروز”.
